Total Citizen Comments - 74
സര്‍ക്കാര്‍ പദ്ധതികളുടെ നിജസ്ഥിതി അവലോകനത്തിനും നിര്‍വ്വഹണത്തിനും
നാടിന്റെ അടിസ്ഥാനസൗകര്യവികസനത്തിനായുള്ള ഇന്‍ഫ്രാസ്ട്രക്ചര്‍ പദ്ധതികള്‍ പൊതുമരാമത്തു വകുപ്പ് ഉള്‍പ്പെടെയുള്ള എഞ്ചിനീയറിംഗ് വകുപ്പുകള്‍വഴിയും ഈ രംഗത്ത് പ്രവൃത്തിക്കുന്ന മറ്റു ഏജന്‍സികള്‍വഴിയുമാണ്‌ സര്‍ക്കാര്‍ നടപ്പാക്കുന്നത്. ഈ പദ്ധതികള്‍ കാര്യക്ഷമമായും സമയബന്ധിതമായും നടപ്പാക്കേണ്ടത് വളരെ പ്രധാനമാണ്. പദ്ധതി നടത്തിപ്പിലെ പ്രശ്നങ്ങളും തടസ്സങ്ങളും പരിഹരിക്കുന്നതിന് പദ്ധതി പുരോഗതി അവലോകനവും മാനേജ്മെന്റും വളരെ പ്രധാന പങ്കുവഹിക്കുന്നു. പൊതുമരാമത്തു വകുപ്പില്‍പ്രൈസ് സോഫ്റ്റ്‌വെയറിന്റെ മൂന്നാം വേര്‍ഷന്‍ നടപ്പാക്കിയതോടെ പദ്ധതി രൂപീകരണവും അതിന്റെ നടത്തിപ്പുമായി ബന്ധപ്പെട്ടു വകുപ്പ് തലത്തിലുള്ള എല്ലാ പ്രവര്‍ത്തനങ്ങളും ഓണ്‍ലൈന്‍ ആയിചെയ്യുന്നതിനു ഇപ്പോള്‍ സാധിക്കുന്നു.
ഇതു മൂലം വകുപ്പിന്റെ പദ്ധതി നടത്തിപ്പ് കൂടുതല്‍കാര്യക്ഷമവും സുതാര്യവും ആകുകയും ഉദ്യോഗസ്ഥര്‍ക്ക് അവരുടെ ഉത്തരവാദിത്വവും ചുമതലാ ബോധവും വര്‍ദ്ധിക്കുകയും ചെയ്തിട്ടുണ്ട്. പൊതുമരാമത്തു വകുപ്പ് ഉള്‍പ്പെടെയുള്ള വകുപ്പുകളുടെ പദ്ധതി നിര്‍വഹണവുമായി ബന്ധപ്പെട്ടുള്ള വിവിധ തലത്തിലുള്ള പദ്ധതി പുരോഗതി അവലോകനത്തിനും മാനേജ്‌മെന്റിനും , പൊതുജനങ്ങള്‍ക്കു പദ്ധതി പുരോഗതി സാങ്കേതികവിദ്യയുടെ സഹായത്തോടെ വിരല്‍തുമ്പില്‍ ലഭ്യമാക്കുന്നതിനും, കൂടാതെ പദ്ധതി നടത്തിപ്പില്‍ വിവിധ സര്‍ക്കാര്‍വകുപ്പുകളുടെയും വിങ്ങുകളുടെയും ഏകോപനവും സഹകരണവും ഉറപ്പാക്കി അതുവഴി പദ്ധതി നടത്തിപ്പിലെ പ്രശ്നങ്ങള്‍ കൂടുതല്‍ വേഗത്തില്‍ പരിഹരിച്ചു കാലതാമസമില്ലാതെ പദ്ധതി പൂര്‍ത്തീകരിക്കുന്നതിനും വേണ്ടിയുള്ള ബഹു. പൊതുമരാമത്തും ടൂറിസവും വകുപ്പ് മന്ത്രിയുടെ വീക്ഷണമാണ് ഒരു ഓണ്‍ലൈന്‍ പ്രൊജക്റ്റ്‌ മാനേജ്‌മന്റ്‌ സോഫ്റ്റ്‌വെയര്‍ എന്ന ആശയത്തിനു നിധാനമായത്.
സര്‍ക്കാരിന്റെ പദ്ധതി നിര്‍വ്വഹണവുമായി ബന്ധപ്പെട്ട വിവിധവകുപ്പുകളുടെ പദ്ധതി അവലോകനത്തിനും പ്രൊജക്റ്റ്‌ മാനേജ്‌മെന്റിനും ഉതകുന്ന വിധത്തിലുള്ള ഒരു ഓണ്‍ലൈന്‍സോഫ്റ്റ്‌വെയര്‍ ആയിട്ടാണ് ഈ പ്രൊജക്റ്റ്‌മാനേജ്‌മന്റ്‌ സോഫ്റ്റ്‌വെയര്‍ രൂപകല്‍പ്പന ചെയ്തു നടപ്പാക്കുന്നത്. ഇതു വികസ്സിപ്പിക്കുന്നത് നാഷണല്‍ഇന്ഫോര്‍മാറ്റിക്സ്‌ സെന്റര്‍ ആണ്. കൂടാതെ പദ്ധതികളുടെ നിജസ്ഥിതി വിവരങ്ങള്‍ ഓണ്‍ലൈന്‍ ആയി കിട്ടുന്നതിനു ഈ സോഫ്റ്റ്‌വെയറിനെ പ്രൈസ്-3 സോഫ്റ്റ്‌വെയറുമായി ബന്ധിപ്പിച്ചിട്ടുണ്ട്. ഈ പ്രൊജക്റ്റ്‌ മാനേജ്‌മന്റ്‌ സോഫ്റ്റ്‌വെയറിന്റെ പ്രധാന സവിശേഷതകള്‍ താഴെപ്പറയുന്നവയാണ്.
കേരള സംസ്ഥാന പൊതുമരാമത്തു വകുപ്പിന്റെ ഉടമസ്ഥതയിലുള്ള ഈ പോർട്ടലിന്റെ രൂപകൽപ്പനയും സാങ്കേതികവും നിർവ്വഹിച്ചിരിയ്ക്കുന്നത് നാഷണല് ഇന്ഫോര്മാറ്റിക്സ് സെന്ററും ഉള്ളടക്കം കൈകാര്യം ചെയ്തിരിയ്ക്കുന്നത് പൊതുമരാമത്തു വകുപ്പുമാണ്.
പ്രൈസ് പ്രൊജക്റ്റ്‌ മാനേജ്‌മന്റ്‌ യുണിറ്റ്, പൊതുമരാമത്ത് വകുപ്പ് പബ്ലിക് ഓഫീസ് കോംപ്ലക്സ്, മ്യുസിയം പി.ഓ തിരുവനന്തപുരം, 695033
0471-2334580
price@kerala.gov.in
Designed and developed by National Informatics Centre Thrissur
